قاراعاندى قالاسى ەكٸمدٸگٸنٸڭ شارۋاشىلىق بٶلٸمٸنٸڭ باسشىسى ەكٸ جىلعا سوتتالدى. ول ەكٸمدٸك عيماراتىنىڭ تٶرتٸنشٸ قاباتتاعى تەرەزەسٸنەن قۇلاپ كەتكەن جۇمىسشىنىڭ ٶلٸمٸنە كٸنەلٸ دەپ تانىلدى, دەپ حابارلايدى قازاقپارات.
قايعىلى وقيعا بيىلعى 19 سەۋٸردە بولعان ەدٸ. قاراعاندى قالاسى ەكٸمدٸگٸنٸڭ تٶرتٸنشٸ قاباتىندا سلەسار جٶندەۋ جۇمىستارىن باستاماقشى بولعان. ول الدىمەن قاۋٸپسٸزدٸك بەلبەۋٸن تاعىپ, تەرەزەنٸڭ الدىنا شىعا بەرگەندە, اياعى تايىپ كەتكەن. الايدا جۇمىسكەردٸڭ قاۋٸپسٸزدٸك بەلبەۋٸ ٷزٸلٸپ كەتٸپ, ول جەرگە قۇلاعان. العان جاراقاتىنان قازا بولدى.
وسى ٸس بويىنشا قازىبەك بي اۋداندىق سوتى جۇمىسشىعا ساپاسىز ساقتاندىرۋ تروسىن بەرگەنٸ ٷشٸن قالالىق ەكٸمدٸكتٸڭ شارۋاشىلىق بٶلٸم مەڭگەرۋشٸسٸن كٸنەلٸ دەپ تاپتى.
«قىلمىستىق ٸس سوتقا پروتسەسسۋالدىق كەلٸسٸممەن كەلٸپ تٷستٸ. سوتتالۋشىعا قر قك-نٸڭ 156-بابى 3-بٶلٸگٸ «ابايسىزدا ادام ٶلٸمٸنە ەكەپ سوققان قاۋٸپسٸزدٸك تەحنيكاسى ەرەجەلەرٸن بۇزۋ» بويىنشا ايىپ تاعىلدى. وعان 2 جىل باس بوستاندىعىن شەكتەۋ جازاسى تاعايىندالدى», - دەپ حابارلادى قازىبەك بي اۋداندىق سوتىنان.
