Sýret: massaget.kz
Jelide Qaraǵandy ákimdigi alty qyzmettik kólikke 2,9 million teńgege alty avtoqaptama satyp almaq bolǵany týraly aqparat tarady. Qazybek bi aýdanynyń prokýratýrasy turǵyndardyń biýdjet qarajatynyń utymsyz jumsalýyna qatysty shaǵymdaryna jaýap berdi, - dep habarlaidy Massaget.kz portaly.
Avtoqaptama tigý jumystaryna tapsyrys bergen qujat goszakup.kz portalynda jariialandy. Saitta tapsyrys berýshi retinde Qaraǵandy qalasy ákiminiń apparaty kórsetilgen. Tehnikalyq spetsifikatsiiada merdiger Kia Sorento, Toyota Land Cruiser 200, Skoda Superb jáne Kia Cerato markaly alty avtokólikke avtoqaptama tigýi kerek delingen.
Bul aqparat áleýmettik jelige tarap, rezonans týdyrdy. Jeli qoldanýshylary mundai shyǵynnyń qisynsyzdyǵyn talqylap, bul derek boiynsha aýdit júrgizýdi talap etti. Olardyń ashý-yzasy nazardan tys qalmady. Bir-eki saǵattan keiin aqparatqa Qazybek bi aýdanynyń prokýratýrasy tekseris júrgizip, satyp alý toqtatyldy.
"Monitoring barysynda kórsetilgen jumys qunynyń asyra baǵalanǵany anyqtaldy. Qaraǵandy qalasy ákiminiń apparaty alty avtokólikke arnalǵan kólik qaptamalarynyń jiyntyq qunyn 2,9 million teńgege baǵalaǵan. Olardyń kórsetýinshe bir avtoqaptama 494 myń teńgeden asady. Al biyl qyrkúiek aiynda Aqmola oblysynyń ishki saiasat basqarmasy bir avtoqaptamanyń quny nebári 95 myń teńge turatynyn jariialaǵan bolatyn. Osyǵan bailanysty jáne biýdjet qarajatyn utymdy paidalaný qajettiligin negizge ala otyryp, bul satyp alýdyń kúshin joiý kerek", - delingen prokýratýra habarlamasynda.
