Foto: Saýda ministrligi
Karachi qalasynda Qazaqstan men Pákistan arasyndaǵy biznes-forým ótti. Is-sharaǵa eki eldiń 500-den astam biznes jáne memlekettik qurylym ókilderi qatysty, dep habarlaidy Ult.kz.
Forýmǵa naqty mámileler men uzaq merzimdi áriptestikke baǵyttalǵan kásipkerlerdiń belsendiligi erekshe serpin berdi. Is-shara aiasynda birneshe kommertsiialyq kelisimderge qol qoiyldy. Sonyń ishinde qazaqstandyq Optima Development kompaniiasy men pákistandyq Friesland Campina Engro arasynda jalpy somasy 10 mln AQSh dollaryn quraityn kelisimshart jasaldy. Qujat Qazaqstanǵa irimshik, iogýrt jáne konditerlik ónimder óndirisine qoldanylatyn sýsyzdandyrylǵan sút maiyn jetkizýdi kózdeidi.
«Bul Pákistanmen osyndai aýqymdaǵy alǵashqy kelisimderdiń biri. Bul bir rettik taýar jetkizý emes, uzaq merzimdi ári strategiialyq seriktestiktiń bastaýy dep esepteimiz. 240 million halqy bar Pákistan – Qazaqstan úshin zor eksporttyq áleýetke ie el», - dedi Optima Development kompaniiasynyń bas direktory Janat Basanuly.
Qazaqstan Respýblikasy Saýda jáne integratsiia ministrligine qarasty QazTrade saýda saiasatyn damytý ortalyǵynyń derekterine sáikes, 2023–2024 jyldary Qazaqstan men Pákistan arasyndaǵy taýar ainalymy 2,1%-ǵa ósip, 53,6 mln dollarǵa jetken. Qazaqstannan Pákistanǵa eksport kólemi 2,1 esege artyp, 11,8 mln dollarǵa deiin ósken. Eksporttyń negizgi bóligin aýyl sharýashylyǵy ónimderi: piiaz, sarymsaq, zyǵyr tuqymy, burshaq tuqymdastar jáne metall konstrýktsiialar quraidy. Al Pákistannan import kólemi 41,9 mln AQSh dollaryn qurady. Onyń ishinde tsitrýs jemisteri, dárilik preparattar men toqyma buiymdary bar.
Sondai-aq, forým aiasynda Qazaqstanǵa Karachi men Gvadar porttaryna qoljetimdilikti qamtamasyz etetin Tranzittik saýda týraly kelisimge qol qoiyldy. Bul qujat eki el arasyndaǵy jańa kólik-logistikalyq baǵyttardy damytýǵa jáne ekonomikalyq bailanysty nyǵaitýǵa negiz qalaidy.
