Qarabatandaǵy "Gaz týrbinaly elektrstansasy" qurylys alańyndaǵy bolǵan apat jaǵdaiyn túsindirý jónindegi komissiia jumysy jalǵasyp jatyr, - dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
2018 jyly 2 naýryzda "PSI Stroy Industriya" JShS jumysshylary turatyn konteinerlik jataqhanada bolǵan qaiǵyly oqiǵany teksergen arnaiy úkimettik komissiiany QR Eńbek jáne halyqty áleýmettik qorǵaý vitse-ministri Nurjan Altaev basqardy. Atalǵan komissiia quramynda QR IIM Tótenshe jaǵdailar jónindegi komitet ókilderi, Atyraý obylysy ákimdiginiń qyzmetkerleri jáne "PSI Stroy Industriya" JShS-niń jumysshylary men jumys berýshileri de boldy.
Tergeýdiń aldyn-ala qorytyndylary boiynsha alǵashqy órt shyqqan aýmaq keptirý bólmesi bolýy yqtimal ekendigi anyqtaldy, sebebi onda konvektorly elektr jylytqyshy ornatylǵan. Órttiń tehnikalyq sebepteri elektr symdarynyń qysqa tuiyqtalýy saldarynan jaqyn mańdaǵy turmystyq zattar janýy múmkin. Aldyn-ala tergeýdiń qorytyndysy boiynsha, osy toptaǵy jazataiym oqiǵalar QR Eńbek kodeksiniń 186-babynyń 2-bóliminiń 2 tarmaqshasyna sáikes eńbek qatynastaryna bailanysty bolyp otyr. Jumys berýshi árbir jábirlenýshige jáne qaitys bolǵan adamǵa jazataiym oqiǵaǵa qatysty H1 túrinde akt toltyrdy.
"PSI Stroy Industriya" JShS-niń basshylyǵy órtten zardap shekkender men qaza bolǵan jumysshylardyń otbasyna jan-jaqty kómek kórsetti. Kompaniia oqiǵadan qaza bolǵan azamattardyń denesin jeke ushaqpen turǵylyqty jerine jetkizý, jerleý rásimine ketken shyǵyndardy tolyq ótep, marqumdardyń týystaryna depozitter ashyp berdi. Qazirgi kezde jumys berýshi kompaniia materialdyq kómekke 50 million teńge bólip, bul qarajat osy shottar arqyly berildi.
Kompaniianyń barlyq qyzmetkerleri jumystaǵy jazataiym oqiǵalardan saqtandyrylǵan. Osylaisha, qaitys bolǵan adamdardyń asyraýyndaǵy jandar Qazaqstan Respýblikasynyń zańnamasynda kózdelgen saqtandyrý tólemderin alatyn bolady.
Eske sala keteiik, alapat órt saldarynan Atyraý qalasynyń aýrýhanasyna túrli dene jaraqatyn alǵan 4 jumysshy jetkizilip, oqiǵa ornynda 6 adam kóz jumdy. Budan bólek taǵy bir jumysshy alǵan aýyr jaraqatynan 3 naýryz kúni kóz jumdy.
Oqiǵa ornyna kelgen komissiia músheleri órt shyqqan jatahanadan bólek jumysshylar turatyn taǵy 6 jataqhanany tekserdi. Nátijesinde olarda sanitarlyq jáne órt qaýipsizdigi erejeleri saqtalmaǵany anyqtaldy. Úkimettik komissiia oqiǵanyń sebep-saldary anyqtalǵanǵa deiin, jataqhana jumysyn toqtatýǵa sheshim qabyldady.
Aita ketý kerek, gaz týrbinaly elektr stansa qurylysy 2016 jyldyń qazan aiynda bastalǵan bolatyn. Bul qurylys nysanynda 850 adam bar, olar eki aýysym kestesimen jumys isteidi. Jumysshylardyń barlyǵy 7 jatahanamen qamtylǵan.
