Belgili ánshiler Nurlan men Murat "1001 TÚN" baǵdarlamasyna bergen suhbatynda qazir nemen ainalysyp júrgenderin aitty, - dep habarlaidy Massaget.kz.
Top múshesi Nurlannyń sózinshe, ol qyzdar tobyn qurmaq bolǵan.
"Úlken sharýalarmen Murat Aqtaýǵa kóship ketti. Ári júrdim, beri júrdim. "Qoi birdeńe qurýym kerek, bolmaidy" dedim. Jalǵyz aityp júrdim. Báribir meni dýet bolyp kórip qalǵannan keiin qasyma jas jigit izdedim. Aldym degenniń ózinde arasynda úlken áńgime ketedi. "Bul Murattan jaqsy eken, bul Murattan shamaly eken" degendei salystyrady. Bul áńgimeden aýlaq bolaiyn dep, jigit máselesin alyp tastadym. Bólek istep kóreiin dep, qara násildi qyz aldym. Nigeriiadan kelgen. Ol qyzben jumys istep bastadyq, daýysy da, tembri de ádemi. Ókinishke qarai, syiyspaityn boldyq. Qyz alǵan soń ekskliýziv bolýy kerek, sodan keiin orys qyz aldym. Tamasha qyz, boiy da uzyn. Kúieýi ruqsat bermei qoidy. Qazaq qyz izdedim, taptym. Óleń aita bastadyq. Bári "Masha i Medved" deidi", - dedi Nurlan.
Murattyń sózinshe, óz mamandyǵyna qaita oralǵan.
"Qazir Aqtaýda Jantórin atyndaǵy teatrda qyzmet atqaryp jatyrmyn. 20 jyldan keiin óz mamandyǵymmen jumys istep jatyrmyn", - dedi Murat.
Olar birge toiǵa shyǵatyndaryn aitty.
"Jaǵdailary jetetin keibir adamdar habarlasyp, "Nurlan men Murat bolyp kele alasyńdar ma?" deidi. Biraq baǵasy ózgeshe bolady", - dedi olar.
Aita keteiik, "Nurlan men Murat" toby 1996 jyly Atyraýda qurylǵan. Olar alǵash ret qazaqsha rep aitqan. Qorjyndarynda "Mahabbat", "Leila", "Juldyzym" sekildi tanymal ánderi bar.
