Jeltoqsan kóterilisine arnalǵan «Qara baýyr qasqaldaq» ániniń avtory Ilesbek Amanov ómirden ozdy, dep habarlaidy Ult.kz tilshisi QazAqparat agenttigine silteme jasap.
«Sýyq habar! Jańa ǵana Shymkenttegi jeltoqsanshy dosym Isabekov Sábit habarlasty! Jeltoqsan kóterilisine arnalǵan "Qara baýyr qasqaldaq" ániniń avtory, sazger Ilesbek Amanov aǵamyz dúnieden ótti... Ilesbek aǵamyzdyń imany salamat bolsyn!», - dep jazdy Feisbýktegi paraqshasynda Erlan Dekelbaev esimdi jeli qoldanýshysy.
Jeltoqsan oqiǵasynan tup-týra bir jyldan keiin dúniege kelgen «Qara baýyr qasqaldaq» ániniń tarihy týraly, ánniń avtory, belgili sazger Ilesbek Amanov kózi tirisinde «Jas alash» gazetine bergen suhbatynda bylai depti: «Ánniń mátinin jazǵan belgili aqyn - Esenǵali Raýshanov. Juldyz jýrnalyn qarap otyryp osy óleń joldary kózime ottai basyldy.
Qara baýyr qasqaldaq
Qaida ushtyń pyr-pyrlap?
Sazyń qaldy sábidiń
Eńbegindei bylqyldap. ...
Uia qalsa iesiz,
Aidyn úshin sol qaiǵy.
Qańǵyp kelgen shúregei,
Kólge pana bolmaidy, - dep oiyn astarlap jetkizgen óleńde avtor qasqaldaq dep - Qonaevty, al Kolbindi qańǵyp kelgen shúregei dep otyrǵan astaryn birden túsindim.
Óleńdi oqyp otyryp án ózinen-ózi shyǵa keldi. Bul - 1987 jyldyń 18 jeltoqsany bolatyn».
