Sinoptikter 5-7 jeltoqsan aralyǵyna arnalǵan aýa raiy boljamyn jariialady, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Jyly jáne ylǵaldy atlantikalyq tsiklondar Reseidiń eýropalyq bóliginen Batys Sibirdiń soltústik aimaqtaryna jyljýda. Al onymen bailanysty atmosferalyq fronttar Qazaqstan territoriiasynyń aýa raiyna yqpalyn tigizedi.
Sondyqtan aldaǵy úsh táýlikte respýblikanyń kóptegen oblystarynda jylbysqy qar jáne qar jaýady. Tuman túsip, kóktaiǵaq bolady.
Soltústik, ortalyq jáne shyǵys aimaqtarda ekpindi batys jeli soǵady, burqasyn kóteriledi. Degenmen, aýa temperatýrasy kópjyldyq ortasha mánnen joǵary kúiinde saqtalady.
