Tuńǵysh Prezident kúni qarsańynda Qapshaǵaidaǵy Zarechnyi aýyly kógildir otynǵa qosyldy, dep habarlaidy "Ult aqparat".
«Qapshaǵai aimaǵynyń gaz júieleri» jaýapkershiligi shekteýli seriktestigi Mir, Abai, Dzerjinskii, Jambyl kóshelerin kógildir otynǵa qosty.
Saltanatty sharaǵa Qapshaǵai qalasy ákiminiń orynbasary Ermek Qojahmetov, «Qapshaǵai aimaǵynyń gaz júieleri» jaýapkershiligi shekteýli seriktestiginiń direktory Iliias Súgirov, Zarechnyi aýyldyq okrýginiń ákimi Berik Dúisenbaev, Zarechnyi aýyldyq okrýginiń jergilikti qoǵamdastyq tóraǵasy Ǵabdesh Qazbekov jáne aýyl turǵyndary qatysyp, ózderiniń aqjarma tilekterin bildirdi.
Alǵashqy gaz qubyry arqyly kógildir otyn jiberýge bailanysty alaýdy aýyl aqsaqaly Baltabai Jumadilov jaqty.
Aita keteiik, Almaty oblysynyń 2030 jylǵa deiingi damý jospary daiyndalǵan. Aiasynda Qapshaǵai óńirin gazben qamtamasyz etý maqsatynda «Baiserke-Qapshaǵai» jobasy 2017 jyly daiyndalyp, nátijesinde memlekettik-jekemenshik áriptestik aiasynda investitsiialyq joba júzege asyrylýda.
