Qapshaǵaida eki aptadan beri jylýsyz otyrǵan turǵyndardyń máselesin sheshýge qala ákimi kiristi, dep habarlaidy "Ult aqparat".
Qapshaǵai qalasy ákimdiginiń resmi málimetinshe, shahardaǵy úshinshi shaǵynaýdanynda ornalasqan №1 turǵyn úi búginde jylý júiesine qosylmaǵan. Soǵan sáikes óńir ákimi Nurlan Qumataev pen turǵyn úi kommýnaldyq sharýashylyq, taýarlar men kórsetiletin qyzmetterdiń sapasy men qaýipsizdigin baqylaý, jergilikti politsiia bólimderi men «Qapshaǵai jylý», «Qapshaǵai Sý Arnasy» mekemeleriniń basshylary atalǵan yqsham aýdanyna baryp, máseleniń mán-jaiyn anyqtady.
Atalmysh úi turǵyndarynyń sózine qaraǵanda, munda ornalasqan «Grot» kafe iesi aýyz sý men jylý júielerin tolyqtai jaýyp tastap, sonyń saldarynan halyq eki apta kóleminde jylý men sýǵa zar bolyp keledi.
Osylasha kópshilik narazylyǵyn týdyrǵan tamaqtaný ornynyń iesi bul jiynda tóbe kórsetpei, ǵimarat esigine qara qulyp salyp, kelmeske ketkenge uqsaidy.
Óz keziginde qala basshysy ózimen birge kelgen jaýapty sala azamattaryna bul problemany dereý sheship, jaqyn kúnderde halyqty sý jáne jylýmen qamtamasyz etýdi tapsyrdy.
Osyǵan bailanysty «Qapshaǵai jylý», «Qapshaǵai Sý Arnasynyń» mekemeleriniń mamandary kelip, jumystaryn júrgizip, turǵyndarǵa qajettiniń bárin qalpyna keltiretin bolady.
