Qapshaǵaida 8-9 synyp oqýshylarynyń ata-analary balalaryn belgisiz bireýler azaptap, olarǵa oq atyp, beldikpen uryp-soqty dep shaǵymdanýda. Oqýshylardyń sózinshe, olardy dala zańymen aiaýsyz jazalaǵandar tipti aryz jazdyrǵan. Ol jerde balalarǵa bir jyl boiy temir-tersek ornalasqan aimaqtan temir urladyq dep jazýdy mindettepti, dep habarlaidy QazAqparat.
Tórt oqýshyny belgisiz adamdardyń aiaýsyz sabaǵany sonsha, balalardyń denelerinde beldiktiń izi taiǵa tańba basqandai qalǵan. Taiaqtyń astynda qalǵan oqýshylardyń sózinshe, olardy kólik qozǵaltqyshynyń rezeńke beldigimen soqqan. Tipti, urlyq jasaǵandaryn moiyndamasa alabai itke azyq retinde beremiz dep qorqytypty. Al politsiianyń bergen aqparatyna sáikes, qazir tórt oqýshy óndiristik bazadaǵy avtobólshekter men túrli temir-tersekterdi urlady degen kúdikpen tergelip jatyr. Qazir osy faktige orai qylmystyq istiń 188-babyna sáikes sotqa deiingi tergeý júrgizilýde.
«Qapshaǵai qalasyndaǵy óndiristik bazalardyń birinde avtobólshekter men túrli temir-tersekterdi urlaý faktisi boiynsha 2004-2005 jyly týǵan 4 jasóspirim kúdikee ilinip otyr. Bótenniń múlkin urlaý faktisi boiynsha (QR QK 188-baby 2-bóligimen) qylmystyq is tirkeldi. Qazir sotqa deiingi tergeý júrgizilýde. Tergeý barysynda bul jetkinshekterdiń qylmysqa birneshe ret barǵany, barýǵa árekettengeni belgili boldy. Sońǵy áreketterinde olardy baza qyzmetkerleri qylmys ústinde baiqap, ustap, quryqtaǵan. Kúdiktiler ózderiniń áke-shesheleriniń qatysýymen suraýǵa alyndy, olar bar kinálaryn birden moiyndady», - dedi Almaty oblystyq Politsiia departamenti baspasóz qyzmetiniń ókili Aqbota Ázirbek.
Al ai-kúnniń amanynda balalarymyzdan aiyrylyp qala jazdadyq degen ata-analar bul iste quzyrly organ birjaqtylyq tanytpasa dep suraidy. Sebebi, eshkimniń de bireýdiń balasyn dala zańymen jazalaýǵa quqy da, qaqysy da joq dep otyr.
«Men Úkimet basyndaǵylardan, barlyq quzyrly mekemeniń basshylyǵynan bul isti qatań baqylaýǵa alýdy ótinemin. Balalarymyzdy azaptap, qinap, uryp-soqqandar jazasyz qalmaýyn ótinemin», - dedi jábir kórgen oqýshy balanyń ata-anasynyń biri Aleksei Ratkeev
Biraq, balalardy naqty kimniń urǵany belgisiz. Oqýshylar olardyń túrlerin ómir boiyna esterine saqtap qalǵandaryn aitady. Qazir ata-analar balalaryn belgisiz bireýlerdiń qinap, uryp-soǵyp azaptaǵany úshin politsiiaǵa aryz túsirip, ádil tergelýin tilep otyr.
