Qapshaǵai qalasynyń mańyndaǵy demalys oryndarynyń birine ornalastyrylǵan Teńiz kenishi qyzmetkerleri COVID-19 infektsiiasyna analiz tapsyrǵan bolatyn. Búgin sol zertteýlerdiń qorytyndysy belgili boldy. 64 azamattyń barlyǵynyń qorytyndysy taza bolyp shyqty, dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Eki kún karantinde bolǵan Almaty oblysynyń turǵyndary búgin arnaiy kóliktermen turǵylyqty jerlerine jetkiziledi.
Eske salsaq, keshe «Atyraý–Almaty» áýe reisimen kelgen «Teńizshevroil» JShS-da jumys isteitin Almaty oblysynyń 64 turǵyny Qapshaǵai mańyndaǵy «Kúnshýaq» demalys ornyna ornalastyrylyp, karantinge alynǵan bolatyn.
