Qapshaǵai qalasy. Foto: Tengrinews.kz / Turar Qazanǵapov
"Habar 24" telearnasynyń jýrnalisteri Qapshaǵai turǵyndary arasynda saýalnama júrgizip, qalaǵa Qonaev atyn berý týraly oiyn surady, - dep habarlaidy Tengrinews.kz tilshisi.
Tómende turǵyndardyń jaýaby:
"Qapshaǵai qalamyzǵa Qonaev esimin berý usynysy quptarlyq is. Kóziniń tirisinde Qazaqstannyń tamyryna qan júgirtken tulǵamyz".
"Sol kisiniń ózi Qapshaǵai qalasyn qalap ketti ǵoi. Bul burynnan kele jatqan, kópten kele jatqan áńgime".
"Osy Qapshaǵai qalasynda 15 jyldan artyq turamyz. Qapshaǵai qalasynyń atyn Qonaev atyna berýin qoldaimyz. Ol kisiniń eńbekteri kóp".
"Jaqsy dep oilaimyn. Sebebi Qonaev atamyz kezinde Qapshaǵaida qanshama jyl turdy, ózi kóterdi.
"Qýanyshtymyz, kelisip jatyrmyz. Ol kisiniń elimizge jasaǵan eńbegi kóp. Ásirise qazaq jurtshylyǵyna eńbegi sińgen adam ǵoi. Óte qýanyshtymyz"
"Qoldaimyz. Qonaev atamyzdyń eńbegi sińgen bul jerge".
"Estigende kózimnen jas shyǵyp ketti. Bul qýanyshty habar boldy. El kópten kútken núktesi qoiylady-aý dep júrgen jaǵymdy jańalyq boldy".
"Qapshaǵai qalasyna Qonaev atamyzdyń atyn berýdi qansha turyp kele jatyrmyz, sonsha usynys jasadyq. Búgin halyq qýanyp jatyr. Kóp jerde aityp jatyr. Kópten kútkenimiz boldy".
Eske salaiyq, keshe, 16 naýryzda Prezident Qapshaǵai qalasyna Qonaev atyn berýdi qoldaýǵa daiyn ekenin aitqan bolatyn.
