Qapshaǵai sý qoimasyna aparatyn joldarda qoiylǵan mobildi postar alynady, dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Búgin oblystyń bas sanitar dárigeriniń karantindi kúsheitý jónindegi jańa qaýlysy shyqty.
Qujatta buryn engizilgen shekteýler sol kúiinde saqtala beretini aitylǵan. Tek týristik nysandardyń jumysyna jańa talaptar qoiyldy.
Osylaisha Aqshi aýylyndaǵy otbasylyq ambýlatoriiada kelgen týristerdi jáne aýyrǵan jergilikti halyqty PTR-testileýden ótkizý úshin kóshpeli avtozerthana ashý tapsyrylǵan. Avtozerthana barlyq qajetti qural-jabdyqpen qamtamasyz etilýi tiis.
Sondai-aq qala jáne aýdan, aýyl ákimderi, týristik bazalar, demalys oryndary aimaqqa kirer tusta dezinfektsiialyq týnnel ornatyp, ár reisten keiin kólik dezinfektsiiasyn uiymdastyrýy tiis. Júrgizýshilerge gigiena úshin tiisti jaǵdai jasalýy kerek.
Demalýshylardyń úiine qaitqanǵa deiin nysan aýmaǵynan shyǵyp, dala kezýine tyiym salynady.
Qyzmetkerler men demalýshylarda dene qyzýy joq pa, aýyryp qalmady ma - sonyń bárin kún saiyn tekserip otyrý qajet. Al 100 adamnan asa týrist keletin nysandarda medqyzmetker men izoliatory bar medpýnkt mindetti túrde bolýy tiis.
Odan bólek, Qapshaǵai sý qoimasy jaǵalaýyna, Ile aýdanyndaǵy Jetigen aýyl okrýgine aparatyn avtojoldaǵy mobildi postar alynady.
Balalardy saýyqtyrý ortalyqtary men mektep janyndaǵy lagerler ázirge jumys istemeidi.
Bul qaýly 12 maýsymnan bastap kúshine endi.
Eske sala keteiik, buǵan deiin Qapshaǵai sý qoimasyna baratyn joldar jabylǵan edi.
