قاپشاعاي سۋ قويماسىنا اپاراتىن جولداردا قويىلعان موبيلدٸ پوستار الىنادى, دەپ حابارلايدى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بٷگٸن وبلىستىڭ باس سانيتار دەرٸگەرٸنٸڭ كارانتيندٸ كٷشەيتۋ جٶنٸندەگٸ جاڭا قاۋلىسى شىقتى.
قۇجاتتا بۇرىن ەنگٸزٸلگەن شەكتەۋلەر سول كٷيٸندە ساقتالا بەرەتٸنٸ ايتىلعان. تەك تۋريستٸك نىسانداردىڭ جۇمىسىنا جاڭا تالاپتار قويىلدى.
وسىلايشا اقشي اۋىلىنداعى وتباسىلىق امبۋلاتورييادا كەلگەن تۋريستەردٸ جەنە اۋىرعان جەرگٸلٸكتٸ حالىقتى پتر-تەستٸلەۋدەن ٶتكٸزۋ ٷشٸن كٶشپەلٸ اۆتوزەرتحانا اشۋ تاپسىرىلعان. اۆتوزەرتحانا بارلىق قاجەتتٸ قۇرال-جابدىقپەن قامتاماسىز ەتٸلۋٸ تيٸس.
سونداي-اق قالا جەنە اۋدان, اۋىل ەكٸمدەرٸ, تۋريستٸك بازالار, دەمالىس ورىندارى ايماققا كٸرەر تۇستا دەزينفەكتسييالىق تۋننەل ورناتىپ, ەر رەيستەن كەيٸن كٶلٸك دەزينفەكتسيياسىن ۇيىمداستىرۋى تيٸس. جٷرگٸزۋشٸلەرگە گيگيەنا ٷشٸن تيٸستٸ جاعداي جاسالۋى كەرەك.
دەمالۋشىلاردىڭ ٷيٸنە قايتقانعا دەيٸن نىسان اۋماعىنان شىعىپ, دالا كەزۋٸنە تىيىم سالىنادى.
قىزمەتكەرلەر مەن دەمالۋشىلاردا دەنە قىزۋى جوق پا, اۋىرىپ قالمادى ما - سونىڭ بەرٸن كٷن سايىن تەكسەرٸپ وتىرۋ قاجەت. ال 100 ادامنان اسا تۋريست كەلەتٸن نىسانداردا مەدقىزمەتكەر مەن يزولياتورى بار مەدپۋنكت مٸندەتتٸ تٷردە بولۋى تيٸس.
ودان بٶلەك, قاپشاعاي سۋ قويماسى جاعالاۋىنا, ٸلە اۋدانىنداعى جەتٸگەن اۋىل وكرۋگٸنە اپاراتىن اۆتوجولداعى موبيلدٸ پوستار الىنادى.
بالالاردى ساۋىقتىرۋ ورتالىقتارى مەن مەكتەپ جانىنداعى لاگەرلەر ەزٸرگە جۇمىس ٸستەمەيدٸ.
بۇل قاۋلى 12 ماۋسىمنان باستاپ كٷشٸنە ەندٸ.
ەسكە سالا كەتەيٸك, بۇعان دەيٸن قاپشاعاي سۋ قويماسىنا باراتىن جولدار جابىلعان ەدٸ.
