Qapshaǵai sý qoimasynan pnevmoniia taiaqshalary tabyldy degen aqparatty Almaty oblysy ákimdiginiń baspasóz qyzmeti joqqa shyǵardy, dep habarlaidy Almaty oblysy ákiminiń baspasóz qyzmeti.
««WhatsApp» jelisinde «Sanitar epidemiologtar Qapshaǵai sý qoimalarynan: basseinder, sýburqaqtar jáne bógenderden analiz aldy. Barlyǵynda pnevmoniia taiaqshalary tabylǵan...» degen aýdiojazba tarady.
Bul habarlama – feik (rastalmaǵan, jalǵan aqparat).
«Qapshaǵai qalalyq taýarlar men qyzmetterdiń sapasy men qaýipsizdigin baqylaý basqarmasy sanitarlyq-epidemiologiialyq qyzmet Qapshaǵai sý qoimasynan koronavirýs infektsiiasyn qozdyratyn zattardyń bar-joǵyn anyqtaý úshin sýdy taldaýǵa almaǵanyn habarlaidy. Koronavirýsty anyqtaý úshin infektsiia juqtyrýy múmkin degen kúdikti azamattardyń jáne profilaktikalyq maqsatta adamdardyń murnynan biologiialyq material (analiz) alynady. Sondai-aq Qapshaǵai qalalyq basqarmasy aimaqtaǵy sý qoimalarynan jyl saiyn mamyr-qyrkúiek aralyǵynda tyrysqaq vibriony, A virýstyq gepatiti, enterovirýs anyqtaý úshin taldaý alady», - delingen habarlamada.
