قاپشاعاي سۋ قويماسىنان پنەۆمونييا تاياقشالارى تابىلدى دەگەن اقپاراتتى الماتى وبلىسى ەكٸمدٸگٸنٸڭ باسپاسٶز قىزمەتٸ جوققا شىعاردى, دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.
««WhatsApp» جەلٸسٸندە «سانيتار ەپيدەميولوگتار قاپشاعاي سۋ قويمالارىنان: باسسەيندەر, سۋبۇرقاقتار جەنە بٶگەندەردەن اناليز الدى. بارلىعىندا پنەۆمونييا تاياقشالارى تابىلعان...» دەگەن اۋديوجازبا تارادى.
بۇل حابارلاما – فەيك (راستالماعان, جالعان اقپارات).
«قاپشاعاي قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارماسى سانيتارلىق-ەپيدەميولوگييالىق قىزمەت قاپشاعاي سۋ قويماسىنان كوروناۆيرۋس ينفەكتسيياسىن قوزدىراتىن زاتتاردىڭ بار-جوعىن انىقتاۋ ٷشٸن سۋدى تالداۋعا الماعانىن حابارلايدى. كوروناۆيرۋستى انىقتاۋ ٷشٸن ينفەكتسييا جۇقتىرۋى مٷمكٸن دەگەن كٷدٸكتٸ ازاماتتاردىڭ جەنە پروفيلاكتيكالىق ماقساتتا ادامداردىڭ مۇرنىنان بيولوگييالىق ماتەريال (اناليز) الىنادى. سونداي-اق قاپشاعاي قالالىق باسقارماسى ايماقتاعى سۋ قويمالارىنان جىل سايىن مامىر-قىركٷيەك ارالىعىندا تىرىسقاق ۆيبريونى, ا ۆيرۋستىق گەپاتيتٸ, ەنتەروۆيرۋس انىقتاۋ ٷشٸن تالداۋ الادى», - دەلٸنگەن حابارلامادا.
