Kolýmbiia okrýginiń federaldy soty 2021 jyldyń 6 qańtarynda AQSh Kongresine shabýyl jasaǵan 13 adamǵa qatysty aiyptaýdy qarastyryp jatyr. Taǵy shamamen 40 adamnyń isi Kolýmbiia okrýginiń Joǵarǵy sotyna ketti. Bul týraly AQSh Ádilet ministrligi málimdedi, dep habarlaidy «Amerika daýysy» basylymy.
Olar Kapitoliige zańsyz ári qarýmen basyp kirip, komendanttyq saǵatty buzǵany jáne basqa da baptar boiynsha aiyptalyp otyr.
«AQSh-tyń Kapitolii ǵimaratyna basyp kirý – elimizdiń negizgi institýttarynyń birine jasalǵan shabýyl. Bizdiń mekeme basqa da quqyq qorǵaý organdarymen birlese otyryp, AQSh-tyń Kapitolii ǵimaratyna shabýyl jasaǵan azamattardy anyqtap, tutqyndap, zań júzinde jazalaý úshin jedel áreket etip, bar kúshin jumsaidy» dep málimdedi AQSh prokýrorynyń mindetin atqarýshy Maikl Shervin.
FBR AQSh Kongresiniń aýmaǵyna jarylǵysh zat alyp kirgen adamdar týraly aqparat bergenderge 50 myń dollar syiaqy beremiz dep jariialady.
Vashington politseileriniń habarlaýynsha, Kapitoliige shabýyl jasaǵan adamdar týraly málimetim bar degen azamattardan 17 myńǵa jýyq habarlama túsken.
