25 maýsymda Úkimettiń tsifrlyq keńsesinde Qazaqstan premer-ministri Álihan Smaiylov áleýmettik mańyzy bar azyq-túlik taýarlarynyń (ÁMAT) baǵasyn ustap turý máseleleri jóninde keńes ótkizdi, - dep habarlaidy "Ult aqparat" primeminister.kz saityna silteme jasap.
Qazirgi ahýal jáne baǵany turaqtandyrý boiynsha qabyldanyp jatqan sharalar týraly QR Saýda jáne integratsiia ministrligi Saýda komitetiniń tóraǵasy Erjan Qazanbaev baiandady.
Máselen, jyl basynan beri baǵa 17,1 paiyzǵa ósken. Atap aitqanda, piiaz, qyryqqabat, qant, kartop, sábiz, qaraqumyq baǵasy eń kóp kóterilgen. Óńirler boiynsha baǵa Jambyl jáne Mańǵystaý oblystarynda 18,7 paiyzǵa, Almaty oblysynda 18,6 paiyzǵa, Nur-Sultan jáne Almaty qalalarynda 18,5 paiyzǵa jáne Shymkent qalasynda 18 paiyzǵa ósken, bul – óńirler boiynsha baǵanyń eń kóp kóterilýi.
Sonymen qatar keńes barysynda jaqyn shetel naryqtaryndaǵy azyq-túlik taýarlary baǵasynyń ósýi boiynsha jaǵdaidyń da osyndai ekeni atap ótildi. Máselen, Reseide jyl basynan beri azyq-túlik baǵasynyń ortasha ósýi shamamen 40 paiyz, Ózbekstanda 48 paiyz boldy.
Salalyq komitet bólshek saýda nysandarynyń ruqsat etilgen ústemeni 15 paiyzdan aspaityn mólsherde saqtaý talaptary boiynsha ákimdikterdiń jumysyn úilestirýdi jalǵastyryp keledi. Sońǵy aptalarda reidtik is-sharalarmen úi janyndaǵy 42,6 myń dúken (84,7 paiyz) qamtyldy. Nátijesinde 712 buzýshylyq anyqtaldy, olar boiynsha qajetti sharalar qabyldandy.
Usynylǵan sharalar retinde Qazanbaev saýda ústemesin arttyrý faktilerin anyqtaý jáne zańnamada kózdelgen sharalardy qabyldaý úshin monopoliiaǵa qarsy organdar men JAO-ǵa elektrondyq shot-faktýralardyń derekterin jiberýge múmkindik beretin memlekettik organdardyń birlesken buiryǵyn ázirleýdi usyndy.
Aýyl sharýashylyǵy ministrliginiń derekteri boiynsha, qazirgi ýaqytta elimizde siyr etin (22 292 tonna), qus etin (19 600 tonna), kartopty (93 749 tonna), undy (118 506 tonna), sútti (59 640 tonna) jáne t.b. qosa alǵanda, 607 myń tonna kóleminde negizgi azyq-túlik qory bar.
Qantqa keletin bolsaq, respýblika boiynsha ónimniń jalpy qory 101,4 myń tonnany quraidy, biylǵy maýsymda ishki tutyný 59 myń tonna boldy, iaǵni naryqtyń qamtamasyz etilýi – 171,4 paiyz, dep sendirdi aýyl sharýashylyǵy vitse-ministri.
Óz kezeginde Álihan Smaiylov 15 paiyzdyq saýda ústemesin, ásirese úi janyndaǵy dúkenderdegi baqylaý jumystaryn kúsheitý qajettigin atap ótti.
"Aýyl sharýashylyǵy ministrliginiń derekterine sáikes, qant qory 100 myń tonnadan asady, al aiyna tutyný 59 myń tonnany quraidy. Bul – jetkilikti mólsher. Biraq úi janyndaǵy dúkenderde qant 700-800 teńgeden satylady. Bul – suranysty paidalanyp, ústeme aqy qoiyp otyrǵan jeke tulǵalardyń zańsyz kásipkerlik qyzmetiniń nátijesi. Jalpy qanttyń ortasha baǵasy shamamen kelisine 480-490 teńge bolýy tiis. Muny retke keltirý kerek", - dep tapsyrdy Úkimet basshysy.
Odan bólek, premer-ministr kelesi jyly jemis-kókónis ónimderin jetkizýge forvardtyq kelisimsharttar jasasý boiynsha aldyn ala jumys júrgizýdiń mańyzdylyǵyn atap ótti, sondai-aq sondai-aq áleýmettik mańyzy bar azyq-túlik ónimderiniń baǵasyn turaqtandyrý boiynsha birqatar tapsyrmalar berdi.
