25 ماۋسىمدا ٷكٸمەتتٸڭ تسيفرلىق كەڭسەسٸندە قازاقستان پرەمەر-مينيسترٸ ەليحان سمايىلوۆ ەلەۋمەتتٸك ماڭىزى بار ازىق-تٷلٸك تاۋارلارىنىڭ (ەمات) باعاسىن ۇستاپ تۇرۋ مەسەلەلەرٸ جٶنٸندە كەڭەس ٶتكٸزدٸ, - دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قازٸرگٸ احۋال جەنە باعانى تۇراقتاندىرۋ بويىنشا قابىلدانىپ جاتقان شارالار تۋرالى قر ساۋدا جەنە ينتەگراتسييا مينيسترلٸگٸ ساۋدا كوميتەتٸنٸڭ تٶراعاسى ەرجان قازانباەۆ باياندادى.
مەسەلەن, جىل باسىنان بەرٸ باعا 17,1 پايىزعا ٶسكەن. اتاپ ايتقاندا, پيياز, قىرىققابات, قانت, كارتوپ, سەبٸز, قاراقۇمىق باعاسى ەڭ كٶپ كٶتەرٸلگەن. ٶڭٸرلەر بويىنشا باعا جامبىل جەنە ماڭعىستاۋ وبلىستارىندا 18,7 پايىزعا, الماتى وبلىسىندا 18,6 پايىزعا, نۇر-سۇلتان جەنە الماتى قالالارىندا 18,5 پايىزعا جەنە شىمكەنت قالاسىندا 18 پايىزعا ٶسكەن, بۇل – ٶڭٸرلەر بويىنشا باعانىڭ ەڭ كٶپ كٶتەرٸلۋٸ.
سونىمەن قاتار كەڭەس بارىسىندا جاقىن شەتەل نارىقتارىنداعى ازىق-تٷلٸك تاۋارلارى باعاسىنىڭ ٶسۋٸ بويىنشا جاعدايدىڭ دا وسىنداي ەكەنٸ اتاپ ٶتٸلدٸ. مەسەلەن, رەسەيدە جىل باسىنان بەرٸ ازىق-تٷلٸك باعاسىنىڭ ورتاشا ٶسۋٸ شامامەن 40 پايىز, ٶزبەكستاندا 48 پايىز بولدى.
سالالىق كوميتەت بٶلشەك ساۋدا نىساندارىنىڭ رۇقسات ەتٸلگەن ٷستەمەنٸ 15 پايىزدان اسپايتىن مٶلشەردە ساقتاۋ تالاپتارى بويىنشا ەكٸمدٸكتەردٸڭ جۇمىسىن ٷيلەستٸرۋدٸ جالعاستىرىپ كەلەدٸ. سوڭعى اپتالاردا رەيدتٸك ٸس-شارالارمەن ٷي جانىنداعى 42,6 مىڭ دٷكەن (84,7 پايىز) قامتىلدى. نەتيجەسٸندە 712 بۇزۋشىلىق انىقتالدى, ولار بويىنشا قاجەتتٸ شارالار قابىلداندى.
ۇسىنىلعان شارالار رەتٸندە قازانباەۆ ساۋدا ٷستەمەسٸن ارتتىرۋ فاكتٸلەرٸن انىقتاۋ جەنە زاڭنامادا كٶزدەلگەن شارالاردى قابىلداۋ ٷشٸن مونوپوليياعا قارسى ورگاندار مەن جاو-عا ەلەكتروندىق شوت-فاكتۋرالاردىڭ دەرەكتەرٸن جٸبەرۋگە مٷمكٸندٸك بەرەتٸن مەملەكەتتٸك ورگانداردىڭ بٸرلەسكەن بۇيرىعىن ەزٸرلەۋدٸ ۇسىندى.
اۋىل شارۋاشىلىعى مينيسترلٸگٸنٸڭ دەرەكتەرٸ بويىنشا, قازٸرگٸ ۋاقىتتا ەلٸمٸزدە سيىر ەتٸن (22 292 توننا), قۇس ەتٸن (19 600 توننا), كارتوپتى (93 749 توننا), ۇندى (118 506 توننا), سٷتتٸ (59 640 توننا) جەنە ت.ب. قوسا العاندا, 607 مىڭ توننا كٶلەمٸندە نەگٸزگٸ ازىق-تٷلٸك قورى بار.
قانتقا كەلەتٸن بولساق, رەسپۋبليكا بويىنشا ٶنٸمنٸڭ جالپى قورى 101,4 مىڭ توننانى قۇرايدى, بيىلعى ماۋسىمدا ٸشكٸ تۇتىنۋ 59 مىڭ توننا بولدى, ياعني نارىقتىڭ قامتاماسىز ەتٸلۋٸ – 171,4 پايىز, دەپ سەندٸردٸ اۋىل شارۋاشىلىعى ۆيتسە-مينيسترٸ.
ٶز كەزەگٸندە ەليحان سمايىلوۆ 15 پايىزدىق ساۋدا ٷستەمەسٸن, ەسٸرەسە ٷي جانىنداعى دٷكەندەردەگٸ باقىلاۋ جۇمىستارىن كٷشەيتۋ قاجەتتٸگٸن اتاپ ٶتتٸ.
"اۋىل شارۋاشىلىعى مينيسترلٸگٸنٸڭ دەرەكتەرٸنە سەيكەس, قانت قورى 100 مىڭ توننادان اسادى, ال ايىنا تۇتىنۋ 59 مىڭ توننانى قۇرايدى. بۇل – جەتكٸلٸكتٸ مٶلشەر. بٸراق ٷي جانىنداعى دٷكەندەردە قانت 700-800 تەڭگەدەن ساتىلادى. بۇل – سۇرانىستى پايدالانىپ, ٷستەمە اقى قويىپ وتىرعان جەكە تۇلعالاردىڭ زاڭسىز كەسٸپكەرلٸك قىزمەتٸنٸڭ نەتيجەسٸ. جالپى قانتتىڭ ورتاشا باعاسى شامامەن كەلٸسٸنە 480-490 تەڭگە بولۋى تيٸس. مۇنى رەتكە كەلتٸرۋ كەرەك", - دەپ تاپسىردى ٷكٸمەت باسشىسى.
ودان بٶلەك, پرەمەر-مينيستر كەلەسٸ جىلى جەمٸس-كٶكٶنٸس ٶنٸمدەرٸن جەتكٸزۋگە فورۆاردتىق كەلٸسٸمشارتتار جاساسۋ بويىنشا الدىن الا جۇمىس جٷرگٸزۋدٸڭ ماڭىزدىلىعىن اتاپ ٶتتٸ, سونداي-اق سونداي-اق ەلەۋمەتتٸك ماڭىزى بار ازىق-تٷلٸك ٶنٸمدەرٸنٸڭ باعاسىن تۇراقتاندىرۋ بويىنشا بٸرقاتار تاپسىرمالار بەردٸ.
