Almatyda qylmystyq baǵyttaǵy destrýktivti dini aǵymnyń bir top múshesi ustaldy. Bul týraly QR Bas prokýratýrasy Arnaiy prokýrorlar qyzmetiniń bastyǵy Rizabek Ojarov aitty, dep habarlaidy QazAqparat.
«Erekshe atap ótetin jait, ol – saiasi ekstremizmniń aiqyn belgileriniń anyqtalýy. Beibit aktsiiaǵa qatysýshylardyń talaptary memleket tarapynan oryndalsa da, arańdatýshylar ádeii janjal shyǵaryp, ony ýshyqtyryp, saiasi talaptar qoia bastaǵan. Olardyń túkpi maqsaty bilikti qarýmen kúshtep basyp alý bolǵan. Tipti, «qoǵam» jáne «azamattyq belsendiler» dep sanalatyndar da narazylyqtardyń bastapqy kezeńin paidalanyp, tizgindi ózderý alýǵa tyrysqan. Bul rette tyiym salynǵan «QDT/Kóshe» atty ekstremistik uiymynyń músheleri jappai tártipsizdikterge belsene itermelegen», - dedi Rizabek Ojarov Ortalyq kommýnikatsiialar qyzmetindegi brifing barysynda.
Onyń atap ótýinshe, ustalǵandar arasynda tyiym salynǵan ekstremistik aǵymdardyń 35 múshesi anyqtalǵan.
«Almatyda qylmystyq baǵyttaǵy destrýktivti dini aǵymnyń bir top múshesi ustaldy. Olardy ustaý kezinde qoldanýǵa daiyn bolǵan qarý-jaraq tárkilendi. Olar óz tobynyń áreketterin úilestirip otyrǵan. Bul rette olardyń bir bóligi alańda júrse, ekinshisi qalanyń tómengi jaǵynda barrikadalarda bolǵan», - dedi Bas prokýratýra ókili.
