Eldegi tótenshe jaǵdaiǵa bailanysty mektepte III toqsan ádettegiden bir apta kesh bastaldy. Osy oraida oqýshylar úshin biylǵy oqý jyly sozylýy múmkin be? Atalǵan máselege qatysty QR Bilim jáne ǵylym ministrligi mektepke deiingi jáne orta bilim komitetiniń tóraǵasy Gúlmira Karimova oiyn ortaǵa saldy, dep habarlaidy QazAqparat.
«Ministrlik oqýshylar úshin úshinshi toqsandy 17 qańtardan bastaý týraly sheshim qabyldady. Odan ári oqý protsesi eldegi jáne ár óńirdegi epidemiologiialyq jaǵdaiǵa bailanysty bolady. Ýaqyt kórsetedi. Ázirge oqý jylynyń sozylýyna qatysty naqty jaýap aitýǵa erte. Eger oqý kúntizbesine qatysty ózgerister bolsa nemese qosymsha sheshim qabyldansa, mindetti túrde habarlaityn bolamyz», - dedi Gúlmira Karimova OKQ-de onlain ótken baspasóz máslihatynda.
Onyń aitýynsha, oqýshylardyń koronavirýs indetin juqtyrýǵa qatysty taldaý jumysy kúndelikti júrip jatyr.
