Bas prokýrordyń orynbasary Áset Shyndaliev qańtar oqiǵasy kezinde azaptaýǵa qatysty jaýapkershilikke tartylyp jatqan quqyq qorǵaý organdary qyzmetkerleri jaiynda aitty, dep habarlaidy QazAqparat.

«Qazirgi kezde azaptaý boiynsha 11 is tergeý barysynda. Taǵy bes isti tergeý aiaqtaldy. Osy oraida, 23 adamǵa jaza taǵaiyndaldy. Sonymen qatar, taǵy bir is sotta qaralyp jatyr. Jalpy, 29 adam azaptaýǵa qatysty qylmystyq jaýapkershilikke tartylady», - dedi Shyndaliev Parlament Májilisindegi baspasóz máslihatynda.

Sondai-aq, ol atalǵan 29 adamnyń 17-si politsiia, qalǵan 12-si Ulttyq qaýipsizdik komiteti qyzmeteri ekenin naqtylady.

Áset Shyndalievtiń aitýynsha, raqymshylyqqa shamamen 1,5 myń adam iligedi. Olardyń basym bóligi – jappai tártipsizdikke qatysqandar, urlyq jáne basqa qylmys jasaǵandar.

Budan buryn habarlanǵandai, Májilistiń jalpy otyrysynda palata depýtattary «Raqymshylyq jasaý týraly» zań jobasyn maquldady.