Qańtarda jyldyq infliatsiia 7,4 paiyzǵa deiin baiaýlady. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Biylǵy qańtarda jyldyq infliatsiia 7,4 paiyzǵa deiin baiaýlady. Azyq-túlik infliatsiiasy baǵanyń jalpy ósýine úlken úles qosýda. Azyq-túlik taýarlary baǵasynyń jyldyq ósýi jekelegen taýar naryqtarynda teńgerimsizdiktiń saqtalýy aiasynda 2020 jylǵy jeltoqsandaǵy 11,3 paiyzdan biylǵy jylǵy qańtarda 11,4 paiyzǵa deiin jyldamdady», - dedi ol.
Onyń aitýynsha, infliatsiianyń azyq-túlikke jatpaityn jáne servistik komponentiniń serpini álsiz tutynýshylyq suranys aiasynda salystyrmaly túrde turaqty bolyp qalýda.
Azyq-túlikke jatpaityn infliatsiia 5,5-ten 5,3 paiyzǵa deiin, aqyly qyzmetter infliatsiiasy 4,2-ten 4,1 paiyzǵa deiin baiaýlady.
«Azyq-túlik infliatsiiasynyń 2020 jylǵy qarashadan bastap jyldamdaýyna bailanysty Úkimet pen jergilikti atqarýshy organdarǵa baǵasy barynsha sezimtal tamaq ónimderine (ósimdik maiy, qant, jumyrtqa) baǵanyń ósýine erekshe kóńil bólý qajet»,- dedi Erbolat Dosaev.
