قاڭتاردا جىلدىق ينفلياتسييا 7,4 پايىزعا دەيٸن باياۋلادى. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«بيىلعى قاڭتاردا جىلدىق ينفلياتسييا 7,4 پايىزعا دەيٸن باياۋلادى. ازىق-تٷلٸك ينفلياتسيياسى باعانىڭ جالپى ٶسۋٸنە ٷلكەن ٷلەس قوسۋدا. ازىق-تٷلٸك تاۋارلارى باعاسىنىڭ جىلدىق ٶسۋٸ جەكەلەگەن تاۋار نارىقتارىندا تەڭگەرٸمسٸزدٸكتٸڭ ساقتالۋى اياسىندا 2020 جىلعى جەلتوقسانداعى 11,3 پايىزدان بيىلعى جىلعى قاڭتاردا 11,4 پايىزعا دەيٸن جىلدامدادى», - دەدٸ ول.
ونىڭ ايتۋىنشا, ينفلياتسييانىڭ ازىق-تٷلٸككە جاتپايتىن جەنە سەرۆيستٸك كومپونەنتٸنٸڭ سەرپٸنٸ ەلسٸز تۇتىنۋشىلىق سۇرانىس اياسىندا سالىستىرمالى تٷردە تۇراقتى بولىپ قالۋدا.
ازىق-تٷلٸككە جاتپايتىن ينفلياتسييا 5,5-تەن 5,3 پايىزعا دەيٸن, اقىلى قىزمەتتەر ينفلياتسيياسى 4,2-تەن 4,1 پايىزعا دەيٸن باياۋلادى.
«ازىق-تٷلٸك ينفلياتسيياسىنىڭ 2020 جىلعى قاراشادان باستاپ جىلدامداۋىنا بايلانىستى ٷكٸمەت پەن جەرگٸلٸكتٸ اتقارۋشى ورگاندارعا باعاسى بارىنشا سەزٸمتال تاماق ٶنٸمدەرٸنە (ٶسٸمدٸك مايى, قانت, جۇمىرتقا) باعانىڭ ٶسۋٸنە ەرەكشە كٶڭٸل بٶلۋ قاجەت»,- دەدٸ ەربولات دوساەۆ.
