Taldyqorǵan turǵyny Almas Muqashevtiń ólimine qatysty quqyq qorǵaý organdarynyń 2 qyzmetkeri qamaýǵa alyndy. Bul týraly QR Bas prokýratýrasy 1-qyzmet basshysynyń orynbasary Eldos Qilymjanov aitty, dep habarlaidy QazAqparat.
Aita keteiik, Almas Muqashev qańtar oqiǵasynan keiin ustalǵan. Marqumnyń jaqyndary tergeý kezinde tyiym salynǵan ádister qoldanylǵanyn, kóptegen dene jaraqaty salynyp, saldarynan deni saý adamnyń kóz jumǵanyn málimdegen bolatyn.
«Naqty osy kezeńde, iaǵni 6-8 qańtar aralyǵynda azamattardyń qaza bolý faktileri tirkeldi. Onyń barlyǵy boiynsha tergeý júrip jatyr. Muqashevtiń ólimine ákep soqqan uryp-soǵý faktisi boiynsha tergeý isimen arnaiy prokýrorlar ainalysyp jatyr. Osy is boiynsha sottyń sanktsiiasymen quqyq qorǵaý organdarynyń 2 qyzmetkeri qamaýǵa alyndy», - dedi Qilymjanov ortalyq kommýnikatsiialar qyzmetinde.
