Qańtar oqiǵalaryna qatysqan 194 adam bas bostandyǵynan aiyrýdy kózdemeitin jazaǵa tartyldy. Bul týraly QR IIM Tergeý departamentiniń bastyǵy Sanjar Ádilov aitty, dep habarlaidy QazAqparat.
Onyń aitýynsha, qańtar oqiǵalaryna qatysty sottar qaraǵan qylmystyq isterde 214 aiyptalýshynyń 194-i bas bostandyǵynan aiyrýdy kózdemeitin jazalaý is-sharalaryna sottalǵan.
«Bostandyqqa jiberilgen adamdardyń kópshiligi Almaty qalasynyń enshisinde – 145, Almaty oblysynda – 38, Túrkistan oblysynda – 4-eý, Kóliktegi politsiia departamentinde – 5-eý, Jambyl men Aqmola oblystarynda 1 adamnan. Odan basqa Almaty qalasynda taǵy 6 adamǵa qatysty qylmystyq ister taraptardyń tatýlasýyna bailanysty qysqartyldy», - dedi Sanjar Ádilov Ortalyq kommýnikatsiialar qyzmetindegi brifing barysynda.
Mysaly, onyń dereginshe, Almaty qalasynda bolǵan jappai tártipsizdikter barysynda úsh adam «Korǵan» dúkeninen arnaiy kiim men ańshylyq pyshaqtaryn urlaǵan. Keiinnen kúdiktiler ustalynyp, kúzetpen ustaýǵa alyndy. Tergeý aiaqtalǵannan keiin qylmystyq is Almaty qalasy Almaly aýdanynyń sotyna joldandy.
«Kiná moiyndalǵandyqtan jáne keltirilgen zalaldyń orny toltyrylǵandyqtan sot kórsetilgen adamdardy 2 jylǵa bas bostandyǵynan aiyrýǵa sottady jáne sot zalynda olardy kúzetpen ustaýdan bosatty», - dedi ol.
