قاڭتار وقيعالارىنا قاتىسقان 194 ادام باس بوستاندىعىنان ايىرۋدى كٶزدەمەيتٸن جازاعا تارتىلدى. بۇل تۋرالى قر ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ ايتتى, دەپ حابارلايدى قازاقپارات.
ونىڭ ايتۋىنشا, قاڭتار وقيعالارىنا قاتىستى سوتتار قاراعان قىلمىستىق ٸستەردە 214 ايىپتالۋشىنىڭ 194-ٸ باس بوستاندىعىنان ايىرۋدى كٶزدەمەيتٸن جازالاۋ ٸس-شارالارىنا سوتتالعان.
«بوستاندىققا جٸبەرٸلگەن ادامداردىڭ كٶپشٸلٸگٸ الماتى قالاسىنىڭ ەنشٸسٸندە – 145, الماتى وبلىسىندا – 38, تٷركٸستان وبلىسىندا – 4-ەۋ, كٶلٸكتەگٸ پوليتسييا دەپارتامەنتٸندە – 5-ەۋ, جامبىل مەن اقمولا وبلىستارىندا 1 ادامنان. ودان باسقا الماتى قالاسىندا تاعى 6 ادامعا قاتىستى قىلمىستىق ٸستەر تاراپتاردىڭ تاتۋلاسۋىنا بايلانىستى قىسقارتىلدى», - دەدٸ سانجار ەدٸلوۆ ورتالىق كوممۋنيكاتسييالار قىزمەتٸندەگٸ بريفينگ بارىسىندا.
مىسالى, ونىڭ دەرەگٸنشە, الماتى قالاسىندا بولعان جاپپاي تەرتٸپسٸزدٸكتەر بارىسىندا ٷش ادام «كورعان» دٷكەنٸنەن ارنايى كيٸم مەن اڭشىلىق پىشاقتارىن ۇرلاعان. كەيٸننەن كٷدٸكتٸلەر ۇستالىنىپ, كٷزەتپەن ۇستاۋعا الىندى. تەرگەۋ اياقتالعاننان كەيٸن قىلمىستىق ٸس الماتى قالاسى المالى اۋدانىنىڭ سوتىنا جولداندى.
«كٸنە مويىندالعاندىقتان جەنە كەلتٸرٸلگەن زالالدىڭ ورنى تولتىرىلعاندىقتان سوت كٶرسەتٸلگەن ادامداردى 2 جىلعا باس بوستاندىعىنان ايىرۋعا سوتتادى جەنە سوت زالىندا ولاردى كٷزەتپەن ۇستاۋدان بوساتتى», - دەدٸ ول.
