2021 jyldyń qańtarynda azyq-túlik baǵasynyń indeksi 4,3 paiyzǵa ósip, 2014 jyldyń shildesinen bergi rekordtyq kórsetkishke jetti. Bul týraly beisenbi kúni BUU-nyń Azyq-túlik jáne aýyl sharýashylyǵy sarapshylary (FAO) habarlady, dep jazady «BUU jańalyqtary».
Astyqtyń álemdik baǵasy eń joǵary – 7,1 paiyzǵa kóterildi. Buǵan, eń aldymen, júgerige halyqaralyq baǵanyń kúrt ósýi yqpal etti – ol 11,2 paiyzǵa ósti. Bul Qytaidan aýqymdy satyp alý, AQSh-taǵy óndiris pen qorlardyń tómendeýi, sondai-aq Argentinada júgeri eksportyna litsenziialardyń ýaqytsha toqtatylýy aiasynda álemdik deńgeidegi usynystyń odan ári qysqarýymen túsindiriledi.
Bidai baǵasy álemdik suranystyń artýyna jáne Resei Federatsiiasynyń saýda kóleminiń boljamdy tómendeýine bailanysty 6,8 paiyzǵa ósti. RF-da 2021 jyldyń naýryzynan bastap bidai eksportyna baj salyǵy eki ese artady.
Sondai-aq FAO Eýropalyq odaqta, Reseide jáne Tailandta jetkizilimniń tómendeýine jáne Ońtústik Amerikadaǵy qurǵaq aýa raiyna bailanysty joǵary álemdik importtyq suranys pen alańdaýshylyq aiasynda qant baǵasynyń 8,1 paiyzǵa óskenin habarlady. FAO málimetteri boiynsha sút jáne et ónimderiniń baǵa indeksi tiisinshe 1,6 paiyzǵa jáne 1 paiyzǵa ósti.
