Qazaqstandaǵy adam quqyqtary jónindegi ýákil Elvira Ázimova qańtar oqiǵasyna bailanysty azamattar eń kóp qamaýda otyrǵan qalalardy atady, dep habarlaidy QazAqparat.
«Qazir ustalǵan azamattardyń basym kópshiliginiń qorǵaýshylary bar. Men ataǵan qadamdardyń bári qajetti. Óitkeni qýdalaý týraly baibalam málimetter men qorqynysh áli saqtalyp otyr. Ulttyq aldyn alý mehanizminiń óńirlik toptary 118 ret qamaý oryndaryna barǵan», - dedi Adam quqyqtary jónindegi ýákil.
Onyń málimeti boiynsha, monitoring eldegi búkil tergeý jáne ýaqytsha ustaý izoliatorlarynda, qabyldaý-taratý ǵimarattarynda júrgizilgen.
«Quqyq qorǵaýshy Jemis Turmaǵambetovamen qatar biz azamattar eń kóp qamaýda otyrǵan mekemelerge baryp júrmiz. Bul – Almaty, Taldyqorǵan. Shymkent, taraz, Qyzylorda, Óskemen, Atyraý jáne Semei qalasyndaǵy ýaqytsha ustaý izoliatory», - dedi Elvira Ázimova.
