2020 jyldyń qańtar-tamyzynda elimizde 474 786 jeńil avtomobil tirkeldi. Mundai derekti Statistika komiteti usyndy dep habarlaidy "Ult aqparat".
«2020 jylǵy qańtar-tamyzda Qazaqstan Respýblikasynda 474 786 jeńil avtomobil tirkelgen. Bul ótken jylǵy tiisti kezeńmen salystyrǵanda 17,1 paiyzǵa kem. Qazaqstan Respýblikasynda 2020 jylǵy 1 qyrkúiektegi jaǵdai boiynsha tirkelgen jeńil avtomobil sany - 3 891,8 myń» delingen vedomstvo aqparatynda.
Sonymen qatar komitet dereginshe, osy jylǵy qańtar-qyrkúiekte 7 541 jol-kólik oqiǵasy tirkelip, 10 979 adam zardap shekken. Ótken jylǵy tiisti kezeńmen salystyrǵanda apat jaǵdailary 25,4 paiyzǵa kemidi.
«2020 jylǵy 1 qyrkúiektegi jaǵdai boiynsha kólik quraldary ieleriniń azamattyq-quqyqtyq jaýapkershiligin mindetti saqtandyrý boiynsha saqtandyrý uiymdary 18 mlrd teńge somasynda 43 929 saqtandyrý tólemin jasady» dep atap ótedi komitetten.
