Kúdiktilerden 107 mln teńgeden astam somaǵa baǵalanatyn urlanǵan múlik alyndy. Bul týraly IIM tergeý departamentiniń bastyǵy Sanjar Ádilov aitty, dep habarlaidy QazAqparat.
«Basqa da tonaýǵa qatysqan adamdar anyqtalyp, jaýapkershilikke tartylyp jatyr. Osy jyldyń 1 aqpanynda Qyzylordada jappai tártipsizdik kezinde lombardtardyń birinde urlyq jasaǵan osy qalanyń eki turǵyny ustalyp, ýaqytsha ustaý izoliatoryna qamaldy. Ustalǵandardan 160-tan astam altyn buiym alyndy. Almatyda tonaýǵa qatysqandardyń biri «Isker Lombardqa» 41 mln teńgeden astam shyǵyn keltirgen. Kúdiktiden urlanǵan zattyń bir bóligi tárkilenip, onyń kinási beinejazbamen dáleldendi», - dedi ol ortalyq kommýnikatsiialar qyzmetindegi brifing barysynda.
Onyń atap ótýinshe, kúdiktilerden barlyǵy 107 mln teńgeden astam somaǵa baǵalanatyn urlanǵan múlik alyndy.
«Onyń ishinde 8 avtokólik, 360 turmystyq tehnika, 200-den astam zergerlik buiym, 460 kiim ataýy, 238 uialy telefon, sondai-aq 15,5 mln teńge somasyndaǵy qolma-qol aqsha tárkilendi», - dedi departament basshysy.
