Shyǵys Qazaqstan oblysynyń ákimi Danial Ahmetov Qańtar oqiǵasy kezinde alańda, halyqtyń arasynda bolǵanyn aitty, dep habarlaidy QazAqparat tilshisi.
Ortalyq kommýnikatsiialar qyzmetindegi esep berýde tilshiler ShQO ákiminen Qańtar oqiǵasy kezinde halyq aldyna nege shyqpaǵanyn surady.
«5 qańtar kúni men alańda boldym. Kúni-túni sonda boldyq. Shyǵys Qazaqstanda, Óskemen qalasynda birde-bir ǵimarat berilgen joq. Ózimizdiń ákimshilikti eshkimge bermegen jalǵyz oblys boldyq. Men halyqtyń aldynda turdym. Ol teledidarda kóptegen arnadan kórsetildi. Ony siz kórmeseńiz, keshirersiz, áriptesterińizden surap alarsyz. Men alańda boldym. Halyqtyń ishinde boldym. Barsha máseleni birge sheshtik», - dep jaýap berdi Danial Ahmetov.
Eske sala ketsek, jyl basynda suiytylǵan gaz baǵasynyń qymbattaýy túrli óńirlerdegi narazylyqtarǵa ulasqan edi.
