Qasiretti qańtar oqiǵasy kezinde aýyr jaraqat alyp, baqilyq bolǵan 4 politsiia jáne áskeri qyzmetkerlerdiń otbasylaryna baspana kiltteri tabystaldy, dep habarlaidy QazAqparat.
2 jáne 1 bólmeli baspanalardyń kiltteri Almaty oblysy politsiia departamentiniń jedel áreket etýshi arnaiy jasaǵynyń inspektory Barǵanaev Darhan Ermekulynyń, Qylmystyq-atqarý júiesi departamentiniń LA-155/16 mekemesiniń qyzmetkeri Erjanov Erbol Tleýbekulynyń, Eskeldi aýdanyndaǵy №21751 jáne Taldyqorǵandaǵy №05232 áskeri bólimderiniń áskeri qyzmetkerleri Smailkanov Ǵabdolla Ǵalymuly men Nýrkenov Adil Dýlatulynyń jaqyndaryna tabystaldy.
Almaty oblysynyń ákimi Qanat Bozymbaev marqumdardyń týǵan-týystaryna kóńil bildire kele, el Prezidenti Qasym-Jomart Toqaevtyń tapsyrmasyna sáikes, barlyq qajetti qoldaýdyń kórsetilip jatqandyǵyn habarlady. Atap aitqanda, oblysymyzda qaza bolǵan kúshtik qurylymdardyń 8 qyzmetkerine 5 mln teńgeden materialdyq kómek kórsetildi. Ekinshi deńgeili Bankter olardyń 12 mln teńge nesiesin keshirdi.
