Memleket basshysy Qasym-Jomart Toqaev qańtar oqiǵasy kezinde mert bolǵandardyń tizimi jariialantynyn málim etti, dep habarlaidy QazAqparat.
«Qaza bolǵandardyń tizimine qatysty aitsam, ol jariialanady, kópshilikke málim bolady. Buǵan deiin aitqanymdai, ol tizimde, lańkestik toptyń dep aitsaq bolatyn shyǵar, sol taraptyń jaǵynda júrip qaza bolǵandar óte kóp. Olar óz áreketteri arqyly memlekettik qurylymymyzdy ydyratqysy keldi», - dedi Qasym-Jomart Toqaev referendýmda daýys berip bolǵannan keiin.
Prezidenttiń aitýynsha, bul máseleniń ekinshi qyry bar.
«Biraq memleketimizge taban astynan qarsy shyqqan toptarǵa qatysy bolmaǵan adamdar da bar. Osyǵan bailanysty, árine, biz qaiǵyryp, kóńil aitamyz. Azamattarǵa qarsy aqtaýǵa kelmeitin áreketterge barǵan áskeri qyzmetshilerdiń bári jaýapkershilikke tartylatyny túsinikti. Tergeý júrip jatyr, ballistikalyq saraptamalar ótip jatyr. Sondyqtan bári aiqyndalady», - dedi Memleket basshysy.
Budan buryn Qazaqstan Prezidenti elordadaǵy Oqýshylar saraiynda ornalasqan №59 daýys berý ýchaskesine kelip, respýblikalyq referendýmda óz tańdaýyn jasaǵanyn jazǵan bolatynbyz. Keiin Memleket basshysy BAQ ókilderiniń suraqtaryna jaýap berdi.
