مەملەكەت باسشىسى قاسىم-جومارت توقاەۆ قاڭتار وقيعاسى كەزٸندە مەرت بولعانداردىڭ تٸزٸمٸ جارييالانتىنىن مەلٸم ەتتٸ, دەپ حابارلايدى قازاقپارات.
«قازا بولعانداردىڭ تٸزٸمٸنە قاتىستى ايتسام, ول جارييالانادى, كٶپشٸلٸككە مەلٸم بولادى. بۇعان دەيٸن ايتقانىمداي, ول تٸزٸمدە, لاڭكەستٸك توپتىڭ دەپ ايتساق بولاتىن شىعار, سول تاراپتىڭ جاعىندا جٷرٸپ قازا بولعاندار ٶتە كٶپ. ولار ٶز ەرەكەتتەرٸ ارقىلى مەملەكەتتٸك قۇرىلىمىمىزدى ىدىراتقىسى كەلدٸ», - دەدٸ قاسىم-جومارت توقاەۆ رەفەرەندۋمدا داۋىس بەرٸپ بولعاننان كەيٸن.
پرەزيدەنتتٸڭ ايتۋىنشا, بۇل مەسەلەنٸڭ ەكٸنشٸ قىرى بار.
«بٸراق مەملەكەتٸمٸزگە تابان استىنان قارسى شىققان توپتارعا قاتىسى بولماعان ادامدار دا بار. وسىعان بايلانىستى, ەرينە, بٸز قايعىرىپ, كٶڭٸل ايتامىز. ازاماتتارعا قارسى اقتاۋعا كەلمەيتٸن ەرەكەتتەرگە بارعان ەسكەري قىزمەتشٸلەردٸڭ بەرٸ جاۋاپكەرشٸلٸككە تارتىلاتىنى تٷسٸنٸكتٸ. تەرگەۋ جٷرٸپ جاتىر, بالليستيكالىق ساراپتامالار ٶتٸپ جاتىر. سوندىقتان بەرٸ ايقىندالادى», - دەدٸ مەملەكەت باسشىسى.
بۇدان بۇرىن قازاقستان پرەزيدەنتٸ ەلورداداعى وقۋشىلار سارايىندا ورنالاسقان №59 داۋىس بەرۋ ۋچاسكەسٸنە كەلٸپ, رەسپۋبليكالىق رەفەرەندۋمدا ٶز تاڭداۋىن جاساعانىن جازعان بولاتىنبىز. كەيٸن مەملەكەت باسشىسى باق ٶكٸلدەرٸنٸڭ سۇراقتارىنا جاۋاپ بەردٸ.
