Qańtar oqiǵasy kezinde 1,5 myńnan astam memlekettik jáne kommertsiialyq ǵimaratqa zalal keltirildi.
Bul týraly Parlament Májilisiniń jalpy otyrysynda QR Bas prokýrory Berik Asylov málim etti, dep habarlaidy QazAqparat.
«5 qańtar kúni Almatyda shabýyl jasaǵandar órt sóndirý kóligimen jáne júk avtokóligimen Prezident Rezidentsiiasynyń dýalyn buzyp kirgen. Olardyń barlyǵy qarýlanǵan. Osy qalada Baitursynov pen Tóle bi kóshesiniń buryshynda basyp alǵan benzovozben aldymen politsiianyń arnaiy kóligin qaǵyp ótip, keiin ony politsiianyń qorshaýyna qarai baǵyttaǵan. Qyzylordada KamAZ kóligin artyp alyp, júk kóligimen Ulttyq ulannyń áskeri qyzmetshilerine qarai baǵyttady. Olardyń biri oqiǵa ornynda kóz jumdy, - dedi Asylov.
«1,5 myńnan astam memlekettik jáne kommertsiialyq ǵimaratqa zaqym keltirildi. 765 avtokólik órttengen, olardyń arasynda órt sóndirý men jedel járdem, politsiianyń ári azamattyq kólikter bar. Azamattar men bizneske, memleketke milliardtaǵan shyǵyn keltirildi», - dedi ol.
