Azaptaýlarǵa qatysty zańsyz áreket jasaǵan politseiler jaýapqa tartylady. Bul týraly Májilis tóraǵasy Erlan Qoshanov málim etti, dep habarlaidy QazAqparat.
Májilistiń jalpy otyrysynan keiin tilshiler palata tóraǵasyna «qańtar oqiǵasynan keiin politsiia tarapynan bolǵan azaptaýlarǵa qatysty burynǵy Ishki ister ministrin jaýapkershilikke tartý kerek dep sanaisyz ba» degen suraq qoidy.
«Eger adam qylmystyq iske tartylyp jatsa, azaptaýǵa qatysty kúmán bolsa, ony burynǵy ministr Turǵymbaev ózi baryp azaptaǵan joq qoi. Birinshiden, ondai buiryqty bergen joq. Zańsyz is-áreket jasaǵan politseiler bolsa, olar jaýapqa tartylady. Sotta dáleldense, olardyń barlyǵy tiisti jazasyn alady», - dedi Qoshanov.
Sonymen qatar Májilis tóraǵasynan qańtar oqiǵasyna qatysty parlamenttik tyńdaý ne sebepti ótkizilmegeni suraldy.
«Qazirgi kezde tergeý amaldary júrip jatyr. Tergeý aiaqtalmai jatyp biz qandai parlamenttik tyńdaý ótkize alamyz?», - dedi Erlan Qoshanov.
