Foto:polisia.kz
Qańtardaǵy tártipsizdik kezinde urlanǵan qarýlar áli de tabylyp jatyr. Bas prokýratýra qai óńirden eń kóp qarý tárkilengenin aitty, - dep habarlaidy Tengrinews.kz tilshisi.
"Quqyq qorǵaý organdary jalpy respýblika boiynsha qańtar oqiǵasy kezinde urlanǵan 750-den astam vintovkaly jáne tegis uńǵyly qarýdy anyqtady. Eń kóp Jambyl oblysynda - 281 dana, Almatyda - 249 jáne Almaty oblysynda - 201 dana tárkilendi", - dedi Ortalyq komitettiń brifinginde Eldos Qilymjanov.
Onyń aitýynsha, Almaty qalasynda jedel-izdestirý sharalary barysynda destrýktivti dini aǵymnyń ókili S. ustalyp, odan "Gunsmith" ańshylyq dúkeninen urlanǵan qarý tárkilengen.
"Tarazda D. ustalyp, odan Jambyl oblysynyń politsiia basqarmasynan urlanǵan tórt Makarov tapanshasy men olarǵa arnalǵan 131 patron tárkilendi.
Almaty oblysy Talǵar aýdany Báiterek aýylynyń shetinde qańyrap bos turǵan ǵimarattan qarý-jaraq saqtaǵan qazaqstandyq uiymdasqan qylmystyq toptyń atys qarýynyń qoimasy anyqtaldy. Kórsetilgen qoimadan 28 qarý tabyldy, onyń ishinde eki Kalashnikov avtomaty, úsh Makarov tapanshasy, tórt sheteldik tapansha, bes qos uńǵyly jáne 10 bir aýyzdy myltyq, eki kesilgen sholaq myltyq, ártúrli kalibrli patrondar, oqtaý granatasy bar", - dep túsindirdi Qilymjanov.
