Sot sanktsiiasymen qańtar oqiǵasyna qatysy bar 514 kúdikti qamaýda otyr. Bul týraly QR Bas prokýratýrasy 1-qyzmet bastyǵy Cerik Shalabaev aitty, dep habarlaidy QazAqparat.
«Qylmystyq protseste azamattardyń konstitýtsiialyq quqyqtaryn qorǵaý - bul prokýratýra organynyń jumysyndaǵy sózsiz basymdyqtardyń biri. Kúdiktilerge qandai da bir qysym keltirilmeý úshin prokýrorlar kún saiyn tergeý izoliatorlary men basqa da qyzmettik úi-jailardy tekseredi. Qazirgi ýaqytta sottyń sanktsiiasymen qańtar oqiǵasyna qatysy bar 514 kúdikti qamaýda», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, qamaýǵa alynǵan árbir adam boiynsha olardyń aýyr qylmystarǵa qatystylyǵy jáne belsendi qatysýy týraly jetkilikti málimetter bar. Olardyń barlyǵyna qorǵalý quqyǵy, sanitarlyq normalar, tamaqtaný, dári-dármekter jáne ustaýdyń tiisti jaǵdailary qamtamasyz etilýde.
«Jeke basyn, densaýlyq jaǵdaiyn jáne basqa da sipattaityn mán-jailardy eskere otyryp, 284 adamnyń qamaýda ustaý bultartpaý sharasy, eshqaida ketpeý týraly qolhatqa, kepilge, úiqamaqqa alýǵa jáne jeke kepilgerlikke aýystyryldy. Búgingi kúni sotqa 392 qylmystyq is joldandy. Nátijeleri boiynsha 433 adam ártúrli merzimge sottaldy», - dedi Serik Shalabaev.
Qyzmet bastyǵynyń dereginshe, bas bostandyǵynan aiyrýǵa bailanysty emes jazalarǵa 34 adam sottaldy. Qarýdy urlaýmen jáne saqtaýmen bailanysty aýyr qylmys jasaǵan, zalaldy ótemegen jáne ótelmegen sottylyǵy bar 46 sottalýshyǵa bas bostandyǵynan aiyrýdyń naqty merzimi taǵaiyndaldy.
