Qańtar oqiǵasyna qatysqan 72 adam sottaldy. Bul týraly Májiliste QR Ishki ister ministri Marat Ahmetjanov aitty, dep habarlaidy QazAqparat.
«Qazir politsiianyń tergeýinde 2 919 qylmystyq is bar. 1 myńnan astam kúdikti qylmystyq jaýaptylyqqa tartylyp jatyr. Memleket basshysy jazany jeńildetetin jaǵdailardy eskerýdi tapsyrdy. Sondyqtan osy 400-den asa kúdiktiniń ishinen 219-y qamaýdan bosatyldy. Al, aýyr jáne asa aýyr qylmys jasaǵan 184 kúdikti qamaýda», - dedi ministr.
Onyń dereginshe, tergeý barysynda 12 myńnan astam azamattan jaýap alyndy. 2 myńdai saraptama taǵaiyndaldy.
«Urlanǵan múliktiń kóp bóligi. Búgingi tańda 229 aiyptalýshyǵa qatysty is sotqa joldandy. Qazirdiń ózinde 72 adam sottaldy. Onyń beseýi bas bostandyǵynan aiyryldy. Qalǵandary basqa jazalaryna tartyldy»,- dedi Marat Ahmetjanov.
