Foto: egemen.kz
Ulttyq qaýipsizdik komitetiniń burynǵy tóraǵasy Kárim Másimov pen burynǵy qorǵanys ministri Murat Bektanov isi sotqa jiberildi. Bul týraly QR Bas prokýrorynyń birinshi orynbasary Timýr Tájimbaev aitty, dep habarlaidy QazAqparat.
«Qańtar oqiǵasyn tergeý aiaqtalyp jatyr. Búginde 1 249 tulǵa sottaldy. Negizinen olar urlyq jasap, qarý tonaǵan, tártipsizdikterge qatysqan. Naqty merzimge 160 tulǵa sottaldy. Qalǵandary birshama jeńil jazaǵa tartyldy. Másimovke jáne UQK-niń ózge de basshylaryna qatysty is sotqa jiberildi. Olarǵa bilikti basyp alýǵa tyrysý, memleketke opasyzdyq jasaý jáne bilikti asyra paidalaný aiyby taǵylǵan. Sonymen qatar biilikti asyra paidalandy dep aiyptalǵan burynǵy Qorǵanys ministri Bektanov isi de sotta jatyr», - dedi ol Bas prokýratýranyń biylǵy jumysyn qorytyndylaýǵa arnalǵan baspasóz máslihatynda.
Onyń dereginshe, Almaty qalasy, Almaty jáne Qyzylorda oblystyq ulttyq qaýipsizdik jáne politsiia departamentteriniń burynǵy basshylaryna qatysty tergeý aiaqtalǵan.
«Zorlyq-zombylyq jasaý faktisi boiynsha Almaty men Taldyqorǵan qalalarynda UQK men IIM-niń 29 qyzmetkerine qatysty qylmystyq is aiaqtaldy. Onyń ishinde 17 is sotqa jiberildi», - dedi Timýr Tájimbaev.
