فوتو: egemen.kz
ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆ پەن بۇرىنعى قورعانىس مينيسترٸ مۇرات بەكتانوۆ ٸسٸ سوتقا جٸبەرٸلدٸ. بۇل تۋرالى قر باس پروكۋرورىنىڭ بٸرٸنشٸ ورىنباسارى تيمۋر تەجٸمباەۆ ايتتى, دەپ حابارلايدى قازاقپارات.
«قاڭتار وقيعاسىن تەرگەۋ اياقتالىپ جاتىر. بٷگٸندە 1 249 تۇلعا سوتتالدى. نەگٸزٸنەن ولار ۇرلىق جاساپ, قارۋ توناعان, تەرتٸپسٸزدٸكتەرگە قاتىسقان. ناقتى مەرزٸمگە 160 تۇلعا سوتتالدى. قالعاندارى بٸرشاما جەڭٸل جازاعا تارتىلدى. مەسٸموۆكە جەنە ۇقك-نٸڭ ٶزگە دە باسشىلارىنا قاتىستى ٸس سوتقا جٸبەرٸلدٸ. ولارعا بيلٸكتٸ باسىپ الۋعا تىرىسۋ, مەملەكەتكە وپاسىزدىق جاساۋ جەنە بيلٸكتٸ اسىرا پايدالانۋ ايىبى تاعىلعان. سونىمەن قاتار بيٸلٸكتٸ اسىرا پايدالاندى دەپ ايىپتالعان بۇرىنعى قورعانىس مينيسترٸ بەكتانوۆ ٸسٸ دە سوتتا جاتىر», - دەدٸ ول باس پروكۋراتۋرانىڭ بيىلعى جۇمىسىن قورىتىندىلاۋعا ارنالعان باسپاسٶز مەسليحاتىندا.
ونىڭ دەرەگٸنشە, الماتى قالاسى, الماتى جەنە قىزىلوردا وبلىستىق ۇلتتىق قاۋٸپسٸزدٸك جەنە پوليتسييا دەپارتامەنتتەرٸنٸڭ بۇرىنعى باسشىلارىنا قاتىستى تەرگەۋ اياقتالعان.
«زورلىق-زومبىلىق جاساۋ فاكتٸسٸ بويىنشا الماتى مەن تالدىقورعان قالالارىندا ۇقك مەن ٸٸم-نٸڭ 29 قىزمەتكەرٸنە قاتىستى قىلمىستىق ٸس اياقتالدى. ونىڭ ٸشٸندە 17 ٸس سوتقا جٸبەرٸلدٸ», - دەدٸ تيمۋر تەجٸمباەۆ.
