Qańtar oqiǵasyna bailanysty qylmystyq ister boiynsha quqyq qorǵaý organdarynyń 29 ókili kúdikti dep tanyldy. Bul týraly Bas prokýratýra málim etti, - dep habarlaidy Tengrinews.kz.
"Taldyqorǵan jáne Almaty qalalarynda tergeýdiń zańsyz ádisterin qoldaný deregi boiynsha 8 politsiia qyzmetkerine qatysty eki qylmystyq is sotqa joldandy.
Quqyq qorǵaý jáne arnaiy organdardyń 29 qyzmetkeri kúdikti dep tanyldy, onyń 8-i sotta, 20-sy is materialdarymen tanysý satysynda jáne bireýi tergelip jatyr", - dedi Bas prokýratýranyń birinshi qyzmet basshysynyń orynbasary Eldos Qilymjanov Ortalyq kommýnikatsiialar qyzmetinde ótken brifingte.
Sondai-aq, ol UQK-niń burynǵy tóraǵasy Kárim Másimov pen onyń orynbasarlarynyń memleketke opasyzdyq jasaý, bilikti kúshtep tartyp alý, bilikti jáne qyzmettik ókiletin asyra paidalaný isi boiynsha tergeýdiń aiaqtalǵanyn habarlady.
Onyń aitýynsha, Bas prokýratýra aiyptaý qorytyndysyn bekitip, isti Astana qalasynyń qylmystyq ister jónindegi mamandandyrylǵan aýdanaralyq sotyna qaraýǵa jibergen.
