قاڭتار وقيعاسىنا بايلانىستى قىلمىستىق ٸستەر بويىنشا قۇقىق قورعاۋ ورگاندارىنىڭ 29 ٶكٸلٸ كٷدٸكتٸ دەپ تانىلدى. بۇل تۋرالى باس پروكۋراتۋرا مەلٸم ەتتٸ, - دەپ حابارلايدى Tengrinews.kz.
"تالدىقورعان جەنە الماتى قالالارىندا تەرگەۋدٸڭ زاڭسىز ەدٸستەرٸن قولدانۋ دەرەگٸ بويىنشا 8 پوليتسييا قىزمەتكەرٸنە قاتىستى ەكٸ قىلمىستىق ٸس سوتقا جولداندى.
قۇقىق قورعاۋ جەنە ارنايى ورگانداردىڭ 29 قىزمەتكەرٸ كٷدٸكتٸ دەپ تانىلدى, ونىڭ 8-ٸ سوتتا, 20-سى ٸس ماتەريالدارىمەن تانىسۋ ساتىسىندا جەنە بٸرەۋٸ تەرگەلٸپ جاتىر", - دەدٸ باس پروكۋراتۋرانىڭ بٸرٸنشٸ قىزمەت باسشىسىنىڭ ورىنباسارى ەلدوس قيلىمجانوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
سونداي-اق, ول ۇقك-نٸڭ بۇرىنعى تٶراعاسى كەرٸم مەسٸموۆ پەن ونىڭ ورىنباسارلارىنىڭ مەملەكەتكە وپاسىزدىق جاساۋ, بيلٸكتٸ كٷشتەپ تارتىپ الۋ, بيلٸكتٸ جەنە قىزمەتتٸك ٶكٸلەتٸن اسىرا پايدالانۋ ٸسٸ بويىنشا تەرگەۋدٸڭ اياقتالعانىن حابارلادى.
ونىڭ ايتۋىنشا, باس پروكۋراتۋرا ايىپتاۋ قورىتىندىسىن بەكٸتٸپ, ٸستٸ استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنا قاراۋعا جٸبەرگەن.
