Foto: IIM
Ishki ister ministrligi zańsyz ainalymnan qarýdy, onyń ishinde qańtar oqiǵasy kezinde urlanǵan qarý-jaraqty tabý jáne tárkileý boiynsha jumysty jalǵastyrýda, - dep habarlaidy Polisia.kz.
Jedel-izdestirý is-sharalary barysynda politseiler birneshe oblystyń aýmaǵynda qarý jasyrylǵan tórt oryndy tapty. Olardyń úsheýinde qańtar oqiǵasy kezinde urlanǵan qarý-jaraq pen oq-dáriler anyqtaldy.
Jarkent qalasynyń mańynda qaraýsyz qalǵan ǵimaratta Remington 11-87 markaly tegis uńǵyly myltyq tabylyp, tárkilendi (qańtar oqiǵasy kezinde urlanǵan).
Jambyl oblysy Birlesý aýylynyń shetinde qarý jasyrylǵan jer tabyldy, onda Benelli modeliniń tegis uńǵyly myltyǵy (qańtar oqiǵasy kezinde urlanǵan), qos uńǵyly ańshy myltyǵy, qol granatasy jáne tórt patron tárkilendi.
Sonymen qatar Jańatas qalasynyń janynda tegis eki uńǵyly myltyq, gaz tapanshasy jáne úsh oq-dári jasyrylǵan oryn anyqtaldy.
Almaty oblysyndaǵy kentterdiń birinde aryqtan ártúrli kalibrli eki ańshy myltyǵy (olardyń biri qańtar oqiǵasy kezinde urlanǵan), jaryq-shý granatasy, AK-74 magazini, jeti patron jáne qara taktikalyq betperde tabyldy. Nómirler joiylǵan qarý-jaraq pen oq-dárilerge qatysty qosymsha tekserýler júrgiziledi.
Vedomstvo osy baǵyttaǵy jumysty júielitúrde jalǵastyrýda. Sońǵy úsh jylda jedel is-sharalardyń, tintý men reidterdiń arqasynda túrli 8 119 qarý, 845 granata, 114 myńnan astam oq-dári tabylyp, tárkilendi.
Sondai-aq qarý jasyrylǵan 738 oryn tabyldy.
