Qańtar oqiǵasy kezinde eki politsiia departamentinen 800 atys qarýy urlanǵan. QR Bas prokýrory Berik Asylov Májilisti jalpy otyrsynda osyndai málimet berdi, dep habarlaidy QazAqparat.
«Qylmyskerler tek Almaty jáne Jambyl oblystarynyń eki politsiia departamentinen 800-ge jýyq atys qarýyn, onyń ishinde 262 avtomat, 501 tapansha, 12 granatomet, pýlemet jáne 60 myńnan astam oq-dári urlady.
Ańshylyq dúkenderinen jáne quqyq qorǵaý jáne arnaiy organdardyń qarý-jaraq arsenalynan shamamen 3 myń qarý urlanǵan Onyń tek úshten biri nemese 771 danasy tabyldy.
2 myńnan astam qarý-jaraq, sonyń ishinde avtomattar, myltyqtar, tapanshalar men granatometter, sondai-aq granatalar áli de qylmyskerlerdiń qolynda», - dedi Bas prokýror «Jańa Qazaqstan» depýtattyq tobynyń saýalyna bergen aýyzsha jaýabynda.
Onyń aitýynsha, mundai arsenalmen tutas polkti qarýlandyrýǵa bolady.
«Beibit turǵyndarǵa bul qarý qajet emes ekeni túsinikti. Ol eldegi jaǵdaidy aýqymdy turaqsyzdandyrý úshin urlanǵan. Osy faktilerdiń bári boiynsha qylmystyq ister tergelýde», - dedi Berik Asylov.
