Kóliktegi politsiia qańtardaǵy tártipsizdik kezinde Almaty áýejaiynda dúken tonaǵan úsh adamdy ustady. Olardan taýardyń 200-den astam túri tárkilendi, dep habarlaidy QazAqparat.
Kóliktegi politsiia departamentiniń bastyǵy Ońal Bákievtiń aitýynsha, IIM kóliktegi politsiia departamentiniń jedel-tergeý toby Almaty áýejaiyndaǵy dúkenderden taýar urlaý faktisi boiynsha sotqa deiingi tergeý júrgizip jatyr.
Beinebaqylaý jazbalaryn qaraý kezinde úsh kúdikti anyqtaldy: apaly-sińlili qyzdar jáne bireýiniń kúieýi. Úsheýi de - Almaty oblysynyń turǵyny.
«Olar 6 qańtarǵa qaraǵan túni jappai tártipsizdik kezinde áýejaida bireýdiń múlkin urlaǵan. Kúdiktilerdiń turǵylyqty jeri boiynsha tekserý kezinde zattai aiǵaq – elitalyq alkogol, sondai-aq 130 túrli parfiýmerlik jáne kosmetikalyq ónim alyndy. Sonymen qatar kofehanadan, kádesyi dúkeninen jáne dárihanadan urlanǵan 94 túrli taýar tárkilendi», - dedi kóliktegi politsiia departamentiniń bastyǵy Onal Bákiev.
Atalǵan fakti boiynsha Qylmystyq kodekstiń 188-babyny sáikes («Urlyq») sotqa deiingi tergeý bastaldy.
«40 jastaǵy er adamǵa qatysty qamaýǵa alý túrindegi bultartpaý sharasy sanktsiialandy, 34 jastaǵy jáne 26 jastaǵy áielder jas balalary bolýyna bailanysty eshqaida ketpeý týraly qolhat berdi», - dedi ol.
