Foto ©REUTERS
"Qazaqstan halqyna" qoǵamdyq qorynyń qamqorshylyq keńesi otyrysynda qańtardaǵy tártipsizdikter kezinde jaralanǵandar men qaza tapqandardyń otbasyna materialdyq kómek kórsetý týraly sheshim qabyldandy, - dep habarlaidy Tengrinews.kz tilshisi qordyń baspasóz qyzmetine silteme jasap.
Qor qaza bolǵandardyń otbasyna kóńil aityp, qańtar oqiǵasy kezinde zardap shekkenderge qoldaý bildirdi.
"Qaza bolǵan árbir áskeri qyzmetshiniń, ishki ister, ulttyq qaýipsizdik organdary qyzmetkeriniń, oqiǵanyń kezdeisoq qurbany bolǵan azamattardyń otbasyna 7 million teńgeden materialdyq kómek kórsetiledi. Bul rette aýyr jaralanǵan áskeri qyzmetshilerge, ishki ister jáne Ulttyq qaýipsizdik organdarynyń qyzmetkerlerine, sondai-aq jaralanǵan balalardyń otbasyna 3 million teńgeden baǵyttalady", - delingen habarlamada.
