Qańtar oqiǵasy qarýly qaqtyǵystar ǵana emes. Bul týraly QR Adam quqyqtary jónindegi ýákil Elvira Ázimova málimdedi, dep habarlaidy QazAqparat.
«20 jyldan astam ýaqyt buryn Birikken Ulttar Uiymynyń Qaýipsizdik keńesiniń «Áielder, beibitshilik jáne qaýipsizdik» atty jahandyq kún tártibindegi jańa baǵytqa arnalǵan qarary qabyldandy. Qazaqstannyń atyna osy qarardy iske asyrý boiynsha jeke jospar qabyldaý týraly usynymdar baiaǵyda aityldy. Biraq bul bizden alys másele dep qabyldaǵanymyzdy túsiný kerek. Bul tek el aýmaǵynda qarýly nemese qarýsyz qaqtyǵystardyń bolýy nemese bolmaýy ǵana emes, sonymen qatar yqtimal jaǵdailardyń aldyn alý úshin tiisti sharalar qoldaný kerek degen sóz», - dedi Elvira Ázimova jýrnalisterge bergen suhbatynda.
Adam quqyqtary jónindegi ýákil qańtardaǵy oqiǵalar qarýly qaqtyǵystar boiynsha ǵana emes, tótenshe jaǵdailarǵa bailanysty janjaldar qateri bar ekenin kórsetkenin aitady.
«Biz bul termindi tehnogendik jáne tabiǵi quldyraý jaǵdaiyn bildiretin termin retinde qabyldaýǵa daǵdylanǵanbyz. Biraq, shyn máninde, biz kórgen tártipsizdikter qaiǵyly saldarǵa ákeldi. Biz osy ýaqytqa deiin áleýmettik jelilerde jáne BAQ-ta belgili bir oqiǵalardyń rezonansyn kórip, baqylap otyrmyz. Árine, tergeý jalǵasýda, biraq biz qazirdiń ózinde qandai sharalar qabyldaý kerektigi týraly aitýymyz kerek», - dedi Elvira Ázimova.
