Almatyda zardap shekken biznes sýbektilerinen 1355 ótinish tústi. Bul týraly Óńirlik kommýnikatsiialar qyzmetiniń alańynda ótken brifingide qalalyq Kásipkerlik jáne investitsiialar basqarmasynyń basshysy Erkebulan Orazalin málim etti, dep habarlaidy QazAqparat.
Spikerdiń sózinshe, óńirlik komissiia Almatyda zardap shekken biznes sýbektilerinen kelip túsken barlyq ótinishti qarap shyqty.
«Qazirgi ýaqytta, barlyq berilgen ótinishter 100% qamtyldy jáne olardy komissiia qarady. InfoKazakhstan elektrondyq platformasyna 1188 kásipkerden barlyǵy 1355 ótinish kelip tústi. Óńirlik komissiia májilisiniń qorytyndysy boiynsha 5 286,5 mln teńge somasyndaǵy 1139 ótinish, onyń ishinde, 4 194,6 mln teńge somasyndaǵy 595 ótinish biýdjet qarajattarynan, 1 091,9 mln teńge somasyndaǵy 544 ótinish «Jańa Alataý» qorynyń qarajattarynan maquldandy», - dedi basqarma basshysy.
Sonymen qatar ol qalǵan 216 ótinish pysyqtalý ústinde ekenin jetkizdi, onyń ishinde 120 ótinish boiynsha qujattardyń tolyq toptamasy usynylmaǵan, 96 ótinish jeńildetilgen mehanizm sheńberinde ótem somasymen kelispeýine bailanysty sot saraptamasyna joldanǵan.
«Zardap shekken biznesti tolyq qamtý jáne qala ekonomikasyn jedel qalpyna keltirý maqsatynda, komissiia «Qoldaý» kásipkerlik ortalyǵynyń janynan keńes berý shtabyn qurdy. Ótemi áli tólenbegen zardap shekken kásipkerler jumys kúnderi saǵat 09:00-den 18:00-ge deiin Almaty qalasy, Baizaqov kóshesi, 303 (101-kabinet) mekenjaiy boiynsha keńes alý úshin júgine alady», - dedi spiker.
Erkebulan Orazalin óńirlik komissiianyń kelesi májilisi aldaǵy 12, 15 jáne 18 naýryzǵa josparlanǵanyn atap ótti.
